ລັດວິສາຫະກິດກໍ່ສ້າງແລະຕິດຕັ້ງໄຟຟ້າ (ທົດລອງ)

ກຕຟ ຮ່ວມກັບ ບໍລິສັດແວລແກນ ອີເນີຊີ ພັດທະນາໄຟຟ້ານ້ຳຕົກຂະຫນາດນ້ອຍ ແລະ ກາງ

ພະນົມສິນ — Sun, 04 Apr 2010 12:54:43 +0000

ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ (ກຕຟ) ແລະ ບໍລິສັດ ແວລແກນ ອີເນີຊີ ປະເທດຝຣັ່ງໄດ້ຮ່ວມລົງນາມກັນໃນການພັດ ທະນາເຂື່ອນໄຟຟ້ານ້ຳຕົກຂະຫນາດນ້ອຍ ແລະ ກາງຢູ່ ສປປ ລາວ ເພື່ອຊອກຫາຄວາມອາດສາມາດທີ່ຈະສ້າງເຂື່ອນໄຟຟ້າ.

ການລົງນາມໃນຂໍ້ຕົກລົງຮ່ວມ ມືການພັດທະນາເຂື່ອນໄຟຟ້ານ້ຳຕົກຂະຫນາດນ້ອຍ ແລະ ກາງໃນ ສປປ ລາວ ໄດ້ຈັດໃຫ້ມີຂຶ້ນໃນວັນ ທີ 18 ມັງກອນ 2010 ທີ່ຫ້ອງປະຊຸມລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ (ກຕຟ) ລະຫວ່າງ ກຕຟ ແລະ ບໍລິສັດ ແວລແກນ ອີ ເນີຊີ ປະເທດຝຣັ່ງລະຫວ່າງທ່ານ ອຳພອນ ພົມມະຈັນ ຮອງອຳນວຍການ ກຕຟ ແລະທ່ານ ແອນໂຕເນ ເດີຊີເຕຣ ອຳນວຍການບໍລິສັດ ແວລແກນ ອີເນີຊີ ປະເທດຝຣັ່ງ ເຊິ່ງມີຜູ້ຕາງຫນ້າຈາກກະຊວງພະລັງງານ ແລະ ບໍ່ແຮ່ ພ້ອມດ້ວຍບັນດາພະນັກງານວິຊາການຈາກທັງ ສອງຝ່າຍເຂົ້າຮ່ວມ.

ການລົງນາມໃນຄັ້ງນີ້ ແມ່ນທັງສອງຈະຮ່ວມມືກັນ ໃນການສຶກສາບັນດາແມ່ນ້ຳຕ່າງໆໃນ ສປປ ລາວ ວ່າຈະມີຄວາມເປັນໄປໄດ້ໃນ ການທີ່ຈະພັດທະນາ ໃຫ້ກາຍເປັນເຂື່ອນໄຟຟ້າຂະຫນາດນ້ອຍ ແລະກາງ ກ່ອນທີ່ຈະເຮັດເອກະສານ ເພື່ອຍື່ນສະເຫນີຕໍ່ລັດຖະບານໃນການ ເຮັດບົດບັນທຶກຄວາມເຂົ້າໃຈ ໃນການສຶກສາຄວາມເປັນໄປໄດ້ໃນຂັ້ນຕໍ່ໄປ ນັ້ນກໍ່ຄືການສຶກສາໃນການເຮັດບົດວິພາກເສດຖະກິດ, ບົດວິ ພາກສະພາບແວດລ້ອມຕ່າງໆໃນໄລຍະ 18 ເດືອນ ກ່ອນຈະກ້າວໄປເຖິງ ການລົງນາມສຳປະທານ ເພື່ອທຳການພັດທະນາໂຄງການກໍ່ຄື ການກໍ່ສ້າງເຂື່ອນໄຟຟ້າ ທີ່ໄດ້ສຶກສາຄວາມເປັນໄປໄດ້ດັ່ງກ່າວ.

ໃນຄັ້ງນີ້ທາງ ກຕຟ ແລະ ແວລ ແກນ ອີເນີຊີ ຈະພ້ອມກັນສຶກສາບັນດາແມ່ນ້ຳ ໃນແຂວງຊຽງຂວາງແລະແຂວງຜົ້ງສາລີ ເຊິ່ງມີຢູ່ 3 ແຫ່ງ. ໃນແຕ່ລະແຫ່ງທາງ ກຕຟ ແລະ ບໍລິສັດດັ່ງກ່າວແມ່ນຂໍສະຫງວນໄວ້ຈົນກວ່າວ່າຈະເຫັນຄວາມເປັນໄປໄດ້ ແລະ ຈະເຮັດຫນັງສື ເພື່ອເຊັນບົດບັນທຶກຄວາມເຂົ້າໃຈ ກັບລັດຖະບານແຫ່ງ ສປປ ລາວ ໃນຂັ້ນຕໍ່ໄປ.

http://www.ecom.org.la/news.php?col=1&id=3500

Filed under: ຂ່າວກ່ຽວກັບກຕຟ Tagged: ເຂື່ອນໄຟຟ້າ

ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າສະຫລຸບຜົນງານປີ 2009

ພະນົມສິນ — Thu, 18 Mar 2010 12:12:10 +0000

ລັດວິສາຫະກິດກໍ່ ສ້າງ ແລະ ຕິດຕັ້ງໄຟຟ້າສະ ຫລຸບຜົນງານການປະຕິບັດ ວຽກງານໃນໄລຍະ 1 ປີຜ່ານ ມາ ແລະ ວາງທິດທາງແຜນ ການຕໍ່ຫນ້າປີ 2010 ໂດຍ ການເຂົ້າຮ່ວມຂອງທ່ານ ໄຊ ເຊັງລີ ເຕັງເບຼັຍຈື, ລັດຖະມົນຕີ ປະຈຳສຳນັກງານນາຍົກລັດ ຖະມົນຕີ, ຜູ້ຊີ້ນຳການປັບປຸງ ທຸລະກິດຮອບດ້ານແຫ່ງຊາດ, ທ່ານ ສຸລິວົງ ດາລາວົງ ລັດຖະ ມົນຕີວ່າການກະຊວງພະລັງ ງານ ແລະ ບໍ່ແຮ່, ມີບັນດາເລ ຂາຄະນະພັກ, ຫົວຫນ້າກົມ, ຮອງກົມ ແລະ ພະນັກງານໃນ ລັດວິສາຫະກິດໄຟຟ້າເຂົ້າ ຮ່ວມຢ່າງຫລວງຫລາຍ.
ໃນໂອກາດດັ່ງກ່າວທ່ານ ອຳພອນ ພົມມະຈັນ ຮອງອຳ ນວຍການລັດວິສາຫະກິດກໍ່ ສ້າງ ແລະ ຕິດຕັ້ງໄຟຟ້າ ກໍ່ໄດ້ ລາຍງານຜົນງານການເຄື່ອນ ໄຫວຂອງລັດວິສາຫະກິດກໍ່ ສ້າງ – ຕິດຕັ້ງໄຟຟ້າໃນໄລຍະ 1 ປີຜ່ານມາວ່າ: ລັດວິສາຫະ ກິດກໍ່ສ້າງ ແລະ ຕິດຕັ້ງໄຟຟ້າ ຍາມໃດກໍ່ຖືເອົາວຽກງານການ ເມືອງ – ແນວຄິດເປັນບັນຫາ ສຳຄັນເຂົ້າໃນການສຶກສາອົບ ຮົມພະນັກງານກຳມະກອນ, ເພື່ອກຳແຫນ້ນ ແລະ ເຊື່ອມ ຊຶມທິດທາງແຜນນະໂຍບາຍ ຂອງພັກ – ລັດໃນແຕ່ລະ ໄລຍະ, ໂດຍສະເພາະແມ່ນ ແຜນພັດທະນາເສດຖະກິດ – ສັງຄົມ ຮອດປີ 2010ເຊິ່ງ ເປັນປີທີ່ມີຄວາມຫມາຍສຳຄັນ ຕໍ່ການບັນລຸຄາດຫມາຍສູ້ຊົນ ທີ່ກອງປະຊຸມໃຫຍ່ຄັ້ງທີ VIII ວາງອອກໃຫ້ປະຊາຊົນໄດ້ມີ ໄຟຟ້າໃຊ້ 70% ໃນທົ່ວປະ ເທດ ແລະ ໃນປີ 2020ການ ນຳໃຊ້ໄຟຟ້າໃຫ້ໄດ້ 90%, ລັດວິສາຫະກິດກໍ່ສ້າງແລະຕິດ ຕັ້ງໄຟຟ້າໄດ້ຖືເອົາແນວທາງ ດັ່ງກ່າວມາປະຕິບັດໃນການ ດຳເນີນທຸລະກິດໃຫ້ມີປະສິດ ທິຜົນສູງ, ລັດວິສາຫະກິດກໍ່ ສ້າງ ແລະ ຕິດຕັ້ງໄຟຟ້າໄດ້ ເຂົ້າຮ່ວມປະກອບສ່ວນໃນ ງານມະຫາກຳກິລາຊີເກມ ຄັ້ງ ທີ 25 ທີ່ລາວເຮົາ ໄດ້ຮັບກຽດ ເປັນເຈົ້າພາບ ເປັນຕົ້ນແມ່ນໄດ້ ຕິດຕັ້ງຕາຂ່າຍ 0,4 ກິໂລວັດ ໃຫ້ສະຫນາມກິລາຫລັກ 16, ບ້ານພັກນັກກິລາ, ທຳນຽບປະ ທານປະເທດ ແລະ ສຳນັກງານ ລັດຖະບານ.
ໃນພິທີຍັງໄດ້ມີການປະ ດັບຫລຽນໄຊພິລະອາດຫານ ຊັ້ນຫນຶ່ງໃຫ້ແກ່ 1 ກົມກອງ ແລະ ຫນຶ່ງສະຫາຍ, ຫລຽນໄຊ ພິລາດອາດຫານຊັ້ນ II 9 ສະ ຫາຍ, ຫລຽນໄຊພິລາດອາດ ຫານຊັ້ນ III 12 ສະຫາຍ ແລະ ໃບຍ້ອງຍໍຈາກກະຊວງປ້ອງ ກັນປະເທດ 12 ສະຫາຍ.

http://www.pasaxon.org.la/content/4-3-10/news11.htm

Filed under: ຂ່າວພາຍໃນກຕຟ Tagged: ກະຊວງ, ຂ່າວ, ຂ່າວພາຍໃນກຕຟ, ຜົນງານ, ລັດຖະມົນຕີ

ລັດຖະມົນຕີ ລົງຢ້ຽມຢາມແລະໂອ້ລົມພະນັກງານກຕຟ

ພະນົມສິນ — Sat, 04 Apr 2009 04:39:32 +0000

ຕອນບ່າຍຂອງ ວັນທີ 31/12/2008 ທີ່ສຳນັກງານໃຫຍ່ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ, ທ່ານ ສຸລິວົງ ດາລາວົງ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ວ່າການກະຊວງພະລັງງານ ແລະ ບໍ່ແຮ່, ໄດ້ມາໂອ້ລົມພະນັກງານແລະກຳມະກອນ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ
ໃນໂອກາດອັນສະຫງ່າລາສີນີ້ ທ່ານ ອຳພອນ ພົມມະຈັນ ຮັກສາການ ຄະນະພັກຮາກຖານ, ຮັກສາການ ຜູ້ອຳນວຍການໃຫຍ່ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ, ໄດ້ລາຍງານໂດຍຫຍໍ້ ການດຳເນີນທຸລະກິດ ຂອງ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ. ຫລັງຈາກນັ້ນ ທ່ານ ສຸລິວົງ ດາລາວົງ ໄດ້ໂອ້ລົມກັບບັນດາ ພະນັກງານ ກຳມະກອນ ຢ່າງຈິງໃຈ ແລະ ເປັນກັນເອງ.

Posted in ຂ່າວພາຍໃນກຕຟ Tagged: ການຢ້ຽມຢາມ, ລັດຖະມົນຕີ

ທ່ານໄຊ ເຊັງລີ ເຕັງເບຼຍຈື ຢ້ຽມຢາມ ໂຮງງານຜະລິດຕະພັນເບຕົງ

ພະນົມສິນ — Fri, 13 Mar 2009 07:20:06 +0000

ໃນຕອນເຊົ້າຂອງວັນທີ 30/10/2008 ທ່ານໄຊ ເຊັງລີ ເຕັງເບຼຍຈື ລັດຖະມົນຕີ ປະຈຳສຳນັກງານນາຍົກລັດຖະມົນຕີ ປະທານຄະນະປັບປຸງທຸລະກິດ ແຫ່ງຊາດ ໄດ້ມາຢ້ຽມຢາມ ໂຮງງານຜະລິດຕະພັນເບຕົງ ທີ່ ທ່ານາແລ້ງ. ຮ່ວມຮັບຕ້ອນ ທ່ານ ມີ ທ່ານອຳພອນ ພົມມະຈັນ ວ່າການຜູ້ອຳນວຍການໃຫຍ່ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ ພ້ອມດ້ວຍ ທ່ານ ສຸກຂີ ແກ້ວປະເສີດ ຫົວຫນ້າໂຮງງານຜະລິດຕະພັນເບຕົງ

Posted in ໂຮງງານແລະເຂື່ອນ Tagged: ການຢ້ຽມຢາມ, ຜະລິດຕະພັນເບຕົງ, ເສົາໄຟຟ້າ, ໂຮງງານ

ກ.ຕ.ຟ ສະຫລຸບ 6 ເດືອນຕົ້ນປີ ແລະຍ້ອງຍໍຜົນງານ 30 ປີ

ພະນົມສິນ — Wed, 01 Oct 2008 02:57:12 +0000

ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ (ກ.ຕ.ຟ) ໄດ້ຈັດພິທີສະຫລຸບຜົນງານ 6 ເດືອນຕົ້ນປີ ແລະ ຜ່ານແຜນການ 6 ເດືອນທ້າຍປີ 2008 ພ້ອມທັງການຍ້ອງຍໍຜົນງານ 30 ປີ (1975 – 2005) ພິທີດັ່ງກ່າວໄດ້ມີຂຶ້ນໃນຕອນແລງທີ 16 ກັນຍານີ້ ໂດຍການເຂົ້າຮ່ວມຂອງທ່ານ ໄຊ ເຊັງລີ ເຕັງເບຼຍຈື ລັດຖະມົນຕີປະຈຳສຳນັກງານນາຍົກລັດຖະມົນຕີ ປະທານຄະນະປັບປຸງທຸລະກິດແຫ່ງຊາດ. ເຊິ່ງມີຜູ້ຕາງຫນ້າກະຊວງພະລັງງານ ແລະ ບໍ່ແຮ່. ຜູ້ຮັກສາການລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າພ້ອມດ້ວຍພະນັກງານກຳມະກອນເຂົ້າຮ່ວມ.ໃນພິທີທ່ານ ອຳພອນ ພົມມະຈັນ ຮັກສາການເລຂາຄະນະພັກຮາກຖານ, ຮັກສາການຜູ້ອຳນວຍການໃຫຍ່ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າໄດ້ຂຶ້ນລາຍງານດຳເນີນທຸລະກິດປະຈຳ 6 ເດືອນຕົ້ນປີ 2008 ເຊິ່ງຜ່ານການດຳເນີນທຸລະກິດໃນໄລຍະ 6 ເດືອນຕົ້ນປີນີ້ ພະນັກງານກຳມະກອນໄດ້ສຸມທຸກຄວາມສາມາດສະຕິປັນຍາ ແລະ ເຫື່ອແຮງເຂົ້າໃນການປະຕິບັດຫນ້າທີ່ວຽກງານທີ່ພັກ ແລະ ລັດມອບຫມາຍໃຫ້ ດ້ວຍຄວາມຮັບຜິດຊອບ ເຊິ່ງມັນໄດ້ສະແດງອອກໃນການຈັດຕັ້ງປະຕິບັດຄຳສັ່ງກໍ່ຄືການປະຕິບັດວຽກງານການດຳເນີນທຸລະກິດໃຫ້ມີຄວາມເຕີບໃຫຍ່ເຂັ້ມແຂງ ແລະ ມີປະສິດທິຜົນໃນແຕ່ລະດ້ານ ຕົວເລກແຜນການ 6 ເດືອນຕົ້ນປີ 2008 ມີ 35,4 ຕື້ກີບ ມູນຄ່າປະຕິບັດໄດ້ 31,3 ຕື້ກີບ ທຽບໃສ່ແຜນການ 6 ເດືອນຕົ້ນປີ 2008 = 88% ແລະ ທຽບໃສ່ແຜນການປີ 2008 = 44%. ໃນນັ້ນປະກອບມີວຽກຮັບເຫມົາໂຄງການຂະຫຍາຍຕາຂ່າຍໄຟຟ້າພາກເຫນືອ, ໂຄງການຂະຫຍາຍໄຟຟ້າຊົນນະບົດພາກໃຕ້, ວຽກຜະລິດ ແລະ ຈຳຫນ່າຍເສົາໄຟຟ້າເບຕົງອື່ນໆ. ນອກຈາກຜົນງານ ແລະ ແຜນການທີ່ປະຕິບັດໄດ້ໃນ 6 ເດືອນຕົ້ນປີນີ້ ທາງລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າຍັງໄດ້ປະກອບສ່ວນປະຕິບັດພັນທະຕໍ່ລັດໄດ້ທັງຫມົດ 1,1 ຕື້ກີບ ຈາກນັ້ນໃນພິທີສະຫລຸບຜົນງານຍັງໄດ້ມີການປະດັບຫລຽນໄຊ ແລະ ໃບຍ້ອງຍໍຜົນງານ 30 ປີ (1975 – 2005) ໃຫ້ແກ່ພະນັກງານ ກຳມະກອນ ໃນນັ້ນຫລຽນໄຊແຮງງານຊັ້ນ III ມີ 3 ທ່ານ ຫລຽນກາແຮງງານມີ 3 ທ່ານ, ໃບຍ້ອງຍໍຂັ້ນກະຊວງປີ 2007 ມີ 269 ທ່ານ, ໃບຍ້ອງຍໍ ແລະ ໃບຊົມເຊີຍຂັ້ນ ບໍລິສັດ ມີ 62 ທ່ານ ໃນນັ້ນໃບຊົມເຊີຍມີ 5 ທ່ານ. (ໂດຍ: ພູວຽງຄຳ).

Posted in ຂ່າວພາຍໃນກຕຟ Tagged: ຂ່າວພາຍໃນກຕຟ, ຜົນງານ

ພະນັກງານ ກຕຟ ຕະລຸມບອນ ຕ້ານນ້ຳຖ້ວມ

ພະນົມສິນ — Mon, 18 Aug 2008 11:32:49 +0000

ເນື່ອງຈາກມີຝົນຕົກຫນັກ ແລະ ລະດັບນ້ຳຂອງຍືງຂຶ້ນ ກາຍລະດັບລະວັງໄພ. ເມື່ອມີໄພທຳມະຊາດ ມາຄຸກຄາມ ນະຄອນຫລວງວຽງຈັນ. ຊາວນະຄອນຫລວງວຽງຈັນ ກໍ່ຄືພະນັກງານ ກຳມະກອນ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ ໄດ້ພ້ອມໃຈກັນ ຕະລຸມບອນ ຕ້ານນ້ຳຖ້ວມ ທັງເວັນແລະຄືນ

ກອງກຳລັງ ພະນັກງານ ແລະ ກຳມະກອນ ກຕຟ ເຄື່ອນກຳລັງ ເຂົ້າສູ່ເຂດຕະລຸມບອນ

ພະນັກງານ ກຕຟ ຕະລຸມບອນ ຕ້ານນ້ຳຖ້ວມ ເຂດໂຮງຫມໍມະໂຫສົດ

ພະນັກງານ ກຕຟ ຕະລຸມບອນ ຕ້ານນ້ຳຖ້ວມ ບໍລິເວນ ຫນ້າສານປະຊາຊົນ

ທ່ານ ອຳພອນ ພົມມະຈັນ ວ່າການຜູ້ອຳນວຍການໃຫຍ່ ລົງຕິດຕາມ ການຕ້ານນ້ຳຖ້ວມ ທີ່ບໍລິເວນທ່າກຳປັ່ນຫລັກ4

ເອື້ອຍນ້ອງຍິງຫນຸ່ມ ກໍ່ໄດ້ປະກອບສ່ວນຢ່າງຕັ້ງຫນ້າ ໃນການຕ້ານນ້ຳຖ້ວມ ຄຽງຂ້າງກັບເພດຊາຍ

ພະນັກງານ ກຕຟ ຕະລຸມບອນ ຕ້ານນ້ຳຖ້ວມ ທັງເວັນແລະຄືນ

ທ່ານ ອຳພອນ ພົມມະຈັນ ວ່າການຜູ້ອຳນວຍການໃຫຍ່ ແລະ ທ່ານ ສຸກັນ ພົງສະຫວັດ ຫົວຫນ້າຫ້ອງວ່າການ ກະຊວງພະລັງງານແລະບໍ່ແຮ່ ລົງຕິດຕາມ ການຕ້ານນ້ຳຖ້ວມ ທັງເວັນແລະຄືນ

ພະນັກງານ ກຕຟ ຖ່າຍຮູບເປັນທີ່ລະລຶກ ຫລັງຈາກສຳເລັດຫນ້າວຽກ ທີ່ໄດ້ຮັບມອບຫມາຍ

ກຕຟ ຕາງຫນ້າລັດຖະບານ ຖືຮຸ້ນເຂື່ອນນ້ຳສິມ

ພະນົມສິນ — Tue, 10 Jun 2008 04:48:14 +0000

ອີງຕາມແຈ້ງການ ເລກທີ 936/ຄລບ ລົງວັນທີ 21/5/2008; ເລື້ອງ: ການສະເຫນີແຕ່ງຕັ້ງຂາຮຸ້ນຂອງລັດຖະບານ ເຂົ້າໃນໂຄງການເຂື່ອນໄຟຟ້ານ້ຳສິມ. ຄະນະເລຂາລັດຖະບານ ໄດ້ແຈ້ງການເຫັນດີໃຫ້ ລັດວິສາຫະກິດ ກໍ່ສ້າງ ແລະ ຕິດຕັ້ງໄຟຟ້າ ເຂົ້າຮ່ວມ ເປັນຂາຮຸ້ນຂອງລັດຖະບານ ເຂົ້າໃນໂຄງການເຂື່ອນໄຟຟ້ານ້ຳສິມ.

ກອງທັບ ອວຍພອນ ກຳມະກອນກຕຟ

ecicompany — Tue, 06 May 2008 06:31:19 +0000

ນາຍແລະພົນທະຫານ ກອງທັບປະຊາຊົນລາວ ຈາກກອງພັນໃຫຍ່ 11 ຫນອງແຕ່ງ ຈຳນວນຫລາຍກວ່າ 30 ຄົນ ໄດ້ມາທີ່ສຳນັກງານໃຫຍ່ ລັດວິສາຫະກິດກໍ່ສ້າງແລະຕິດຕັ້ງໄຟຟ້າ ທີ່ບ້ານໂພນສະຫວ່າງ ເມືອງຈັນທະບູລີ ນະຄອນຫລວງວຽງຈັນ ເພື່ອອວຍພອນ ອ້າຍນ້ອງກຳມະກອນ ເນື່ອງໃນວັນກຳມະກອນສາກົນ. ຮ່ວມຮັບຕ້ອນ ຕົວແທນຈາກກອງທັບ ໃນເທື່ອນີ້ ມີ ທ່ານ ອຳພອນ ພົມມະຈັນ ຮອງຜູ້ອຳນວຍການ ຄະນະຫ້ອງການເສນາທິການ ພ້ອມດ້ວຍ ສາມອົງການຈັດຕັ້ງມະຫາຊົນ ແລະ ອ້າຍນ້ອງກຳມະກອນ ຈາກກອງກໍ່ສ້າງຕ່າງໆ.

ກຕຟ ຮ່ວມເປັນຜູ້ສະຫນັບສະຫນຸນ ກອງປະຊຸມ GMS

ecicompany — Fri, 18 Apr 2008 09:19:23 +0000

ເນື່ອງໃນໂອກາດ ທີ່ ສປປລາວ ໄດ້ຮັບກຽດ ເປັນເຈົ້າພາບ ກອງປະຊຸມ ບັນດາປະເທດ ອະນຸພາກພື້ນແມ່ນ້ຳຂອງ ( Greator Mekong Subregion) ເຊິ່ງໄດ້ຈັດຂຶ້ນ ທີ່ນະຄອນຫລວງວຽງຈັນ ໃນລະຫວ່າງວັນທີ 29 – 31 ມີນາ 2008, ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ ກໍ່ເປັນຫນຶ່ງໃນ ຈຳນວນ ຜູ້ສະຫນັບສະຫນູນກອງປະຊຸມດັ່ງກ່າວ

ອ່ານຜົນງານຂອງກຕຟ ຈາກນສພວຽງຈັນໃຫມ່

ecicompany — Fri, 04 Apr 2008 10:54:38 +0000

ແຕ່ລະປີ ກຕຟ ຈະຈັດກອງປະຂຸມໃຫຍ່ ປະຈຳປີ ເພື່ອຖອດຖອນບົດຮຽນ ໂດຍມີຕົວແທນ ຈາກທົ່ວປະເທດ, ປີລະ 2 ເທື່ອ. ປີນີ້ ແມ່ນຈັດຂຶ້ນໃນລະຫວ່າງວັນທີ 22-25 ມີນາ 2008. ໃນມື້ສຸດທ້າຍ ໄດ້ມີນັກຂ່າວຈາກໂທລະພາບແຫ່ງຊາດ ແລະ ຫນັງສືພິມຕ່າງໆ ຫລາຍສະບັບ ເຂົ້າຮ່ວມ ຮັບຟັງຜົນງານຂອງ ກຕຟ. ໃນນັ້ນ ຫນັງສືພິມວຽງຈັນໃຫມ່ ຍັງໄດ້ຂຽນ ລົງໃນຫນ້າເວັບໄຊ ຂອງເພິ່ນອີກດ້ວຍ ອ່ານໄດ້ທີ່ http://www.vientianemai.net/news.php?TopicID=1&NewsID=2049 ຕະຫລອດໄລຍະຜ່ານມາ ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າລາວ ໄດ້ພ້ອມກັນເອົາໃຈໃສ່ຢ່າງຕັ້ງຫນ້າ

ເຮັດວິຊາສະເພາະໃຫ້ມີຄຸນນະພາບ ແລະ ຖືກກັບມາດຕະຖານເຕັກນິກ ເພື່ອໃຫ້ລູກຄ້າມີຄວາມເຊື່ອຫມັ້ນຫລາຍຂຶ້ນ ຍົກ
ລະດັບທາງດ້ານວິຊາສະເພາະໃຫ້ດີກວ່າເກົ່າ ເປັນຕົ້ນໃຫ້ມີຄວາມສາມາດໃນການກໍ່ສ້າງສາຍສົ່ງ 115 ກິໂລໂວນ ແລະ
ສະຖານີໄຟຟ້າແຮງສູງໃຫ້ໄດ້ດີກວ່າເກົ່າ ຈາກການປະຕິບັດວຽກງານດຳເນີນທຸລະກິດ ຂອງລັດວິສາຫະກິດດັ່ງກ່າວ ໄດ້ມີ
ຄວາມເຕີບໃຫຍ່ເຂັ້ມແຂງ ແລະ ມີປະສິດທິຜົນ.
ນັ້ນແມ່ນການສະຫລຸບ ແລະ ສັງເກດຕີລາຄາຂອງຄະນະນຳ ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າລາວ
ໃນພິທີສະຫລຸບຜົນງານການເຄື່ອນໄຫວວຽກງານ ຕະຫລອດໄລຍະທີ່ຜ່ານມາ ໃນວັນທີ 25 ມີນາ 2008 ນີ້ ພ້ອມທັງສະ
ຫລຸບມູນຄ່າການປະຕິບັດຕົວເລກແຜນການປີ 2007 ຜ່ານມາ ໂດຍສະເພາະວຽກຮັບເຫມົາໂຄງການຂະຫຍາຍໄຟຟ້າຊົນ
ນະບົດພາກເຫນືອ ກໍໄດ້ມີການກໍ່ສ້າງຕາຂ່າຍແຮງກາງ ແຮງຕ່ຳ ແລະ ຕິດຕັ້ງຫມໍ້ແປງ ສາມາດປ່ອຍໄຟໃຫ້ປະຊາຊົນແລ້ວ
82 ບ້ານ ມີຄອບຄົວໃຊ້ໄຟຟ້າແລ້ວ 2.426 ຄອບຄົວ ສຳລັບໂຄງການຂະຫຍາຍໄຟຟ້າຊົນນະບົດພາກໃຕ້ ກໍໄດ້ປ່ອຍໄຟໃຫ້
ປະຊາຊົນໄດ້ 28 ບ້ານ ແລະມີຄອບຄົວທີ່ໃຊ້ໄຟແລ້ວ 2.201 ຄອບຄົວ ວຽກບໍລິການ ແລະ ວຽກການຜະລິດ ແລະຈຳຫນ່າຍ
ເສົາໄຟຟ້າເບຕົງ ໂຮງງານຜະລິດເສົາໄຟຟ້າຢູ່ເມືອງປາກເຊ ແລະ ອື່ນໆ ອັນໄດ້ເຮັດໃຫ້ລັດວິສາຫະກິດແຫ່ງນີ້ ມີລາຍຮັບ
ສູງເຖິງ 51.888 ລ້ານກີບ ແລະ ມອບພັນທະງົບປະມານ 5.904 ລ້ານກວ່າກີບ.